Mayın 26-da Fövqəladə Hallar Nazirliyinin Akademiyasında Ümumilli lider Heydər Əliyevin 100 illik yubleyi ilə əlaqədar “Heydər Əliyev Azərbaycan xalqının xiləskarıdır” mövzusunda “Xilasetmə” Gənclər Festivalı və Fövqəladə Hallar Nazirliyinin Akademiyasının yaranmasının 15 illiyinə həsr olunan “Avtomobil konstruksiyasında dövri dəyişikliklər, xilasetmə problemləri” mövzusunda II elmi seminar və sərgi keçirilib.

          Sərgidə Azərbaycan Dövlət Dəniz Akademiyasının tələbələri və magistrantları da iştirak ediblər. Akademiya tələbələri nümayış olunan müxtəlif təyinatlı stendlərlə yaxından tanış olaraq onları maraqlandıran suallar ətrafında müzakirələr aparıblar.