- XƏBƏRLƏR -
2867 Arxiv
Heydər Əliyevin 100 illiyinə həsr olunmuş master klass
2023.05.12 14:39

Azərbaycan Dövlət Dəniz Akademiyasında 8 may 2023-cü ildə Ulu öndər Heydər Əliyevin anadan olmasının 100-cü ildönümünə həsr olunmuş “Gənc alimlərin elmi tədqiqat işləri aparmaları və nüfuzlu jurnallarda məqalə çap etdirmələri ilə əlaqədar tövsiyələr” adlı “master-klass” dərsi “Tətbiqi mexanika” kafedrasının müdiri t.e.d., prof. Vaqif Həsənovun təqdimatında keçirilmişdir.

Tədbiri “Gəmi mexanikası və elektromexanikası” fakultəsinin dekanı Rafiq Əsgərov açıq elan etmiş və Ulu öndərin əziz xatirəsi bir dəqiqəlik sükutla yad edilmişdir.

Sonra prof.Vaqif Həsənov təqdimatında Heydər Əliyevin elm, bilik və təhsillə bağlı gördüyü işləri haqqında iştirakçılara məlumat vermişdir.

Təşkil olunan dərsdə aşağıdakı məsələlərə baxılmışdır:

  • Elmi tədqiqat işlərinin aparılmasına hazırlıq
  • Elmi tədqiqat işinin aparılmasının yolları
  • Elmi məqalənin strukturu
  • Məqalənin dərc olunacağı jurnalın seçilməsi
  • Məqalənin tərtibatı
  • Məqalənin təqdimatı və rəydən keçirilməsi

 “Master-klass”da Akademiyanın professor-müəllim heyəti, doktorantları və magistrantları iştirak ediblər. Bildirilib ki, belə tədbirlərin keçirilməsi gənc tədqiqatçıların elmi fəaliyyətinə daha da təkan verəcək, zəngin təcrübənin yeni nəslə ötürülməsində vacib rol oynayacaq.

Təqdimatın sonunda iştirakçıları maraqlandırılan suallar cavablandırılmış və xatirə şəkli çəkilmişdir.