Azərbaycan Dövlət Dəniz Akademiyası tələbə adı qazanmış bütün gəncləri təbrik edir, onlara gələcək təhsillərində müvəffəqiyyətlər arzulayır.

2024/2025-ci tədris ilində bakalavriat pilləsinə qəbul olunmuş abituriyentlər 28.08.2024-cü il saat 11:00-dan 06.09.2024-cü il saat 18:00-dək Portal.edu.az-da qeydiyyatdan keçməlidirlər.
Portal.edu.az-da qeydiyyatdan keçməyən şəxslər DİM tərəfindən qəbul olunmamış şəxs kimi hesab ediləcək və barəsində qəbul əmri verilməyəcəkdir.

Portal.edu.az-da qeydiyyatdan keçmiş tələbələr Akademiyaya aşağıdakı sənədləri təqdim etməlidirlər:

1. Şəxsiyyət vəsiqəsinin surəti (2 nüsxə);
2. Attestatın əsli və surəti;
3. Çağırışçı şəhadətnaməsi və ya hərbi biletin əsli və surəti;
4. Tibbi arayış (forma 086);
5. Narkoloji və psixoloji dispanserdən arayış;
6. 8 ədəd 3x4 ölçülü fotoşəkil;
7. Ödənişli tələbələr üçün ödəniş haqqında qəbzin surəti;
8. İmtiyazlı tələbələr üçün imtiyazlı olduğunu təsdiq edən sənədin notarial qaydada təsdiq olunmuş surəti;
9. Yaşayış yerindən arayış.

Sənədlərin qəbulu 28.08.2024-cü il tarixindən 06.09. 2024-cü il saat 11:00-dan 15:00-dək Akademiyanın əsas korpusunda (ünvan: Zərifə Əliyeva küçəsi 18, Sahil metrosunun yaxınlığı) aparılacaqdır.

Qeyd: Akademiyada qeydiyyat zamanı tələbələrin geyim forması ölçüləri və yataqxanaya yerləşdirilmə üçün ərizələri götürüləcəkdir.