Ümummilli Lider Heydər Əliyevin anadan olmasının 96-cı ildönümünə həsr olunmuş 14-cü Beynəlxalq elmi-texniki konfransda iştirak etmək məqsədilə Bakıya gələn Kamçatka Dövlət Texniki Universitetin kafedra müdiri Andrey Kostenko ADDA-da master-klass dərsi keçirib. “Gəmi dizellərinin silindr oymaqlarının hazırlanması üçün funksional-yönəldilmiş proses” mövzusunda aparılan master-klassda gəmi energetik qurğuları sahəsində ixtisaslaşan alimlər üçün bir sıra maraqlı məqamlara toxunulub, elmi-texniki tərəqqinin yeni nailiyyətləri təhlil olunub.  Master-klassı dinləyənlərin suallarına cavab verən A. Kostenko sonda ona bu şəraiti yaratdığı üçün ADDA rəhbərliyinə təşəkkürünü bildirib.